Home Blog

25 vite nga nënshkrimi i Marrëveshjes së Kumanovës

0

Sot janë bërë 25 vite nga nënshkrimi i Marrëveshjes së Kumanovës, e cila i dha fund dhunës serbe në Kosovë.

Nënshkrimi i kësaj marrëveshje ndërmjet NATO-së dhe RFJ-së ishte parakusht për ndaljen e bombardimeve të NATO-s mbi caqet strategjike në ish-Jugosllavi.

Me këtë marrëveshje, Serbia detyrohej të tërheqë të gjitha forcat e saj policore dhe ushtarake nga Kosova.

Marrëveshjen e Kumanovës ishte nënshkrua më 9 qershor 1999, ndërsa ka hyr në fuqi më 11 qershor të vitit 1999.

Ajo është nënshkruar nga Michael Jackson, komandanti i parë i KFOR-it në Kosovë, dhe ish-shefi i Shtabit të Armatës së Serbisë, gjenerali Nebojsha Pavkoviq. Ky i fundit, më pas është akuzuar nga trbunali ndërkombëtar i Hagës për krime lufte dhe gjenocid.

Grupet ekstreme serbe në pritje për sulme në veri

0

Përveç grupit të tij paraushtarak, GazetaKlan, ka mësuar ekskluzivisht se grupit të Radojiçiq iu është bashkëngjitur edhe një grup tjetër.

Sipas informacioneve që ka siguruar televizioni, brenda hallkave të sigurisë në vend, në biznesin e Zvonko Veselenoviq, në “Novi Pazar Put” janë duke qëndruar grupet ekstreme serbe edhe të grupit famëkeq serb “Veljko Belivikut”.

Në këto pamje shihet edhe hoteli në të cilin ata dyshohet se po qëndrojnë, e që në këtë biznes, dyshohet edhe për vendosje të armatimeve.

Po ashtu Tëvë1 ka mësuar se bashkëpunëtor i këtij grupi famëkeq, është edhe Novak Nediq, Sekretar i Përgjithshëm i qeverisë në Serbi, i riemëruar në qeverisjen e re të presidentit, Aleksandër Vuçiq, i cili edhe në këto fotografi, shihet se është shumë i afërt me grupet ekstreme serbe, pjesëtarë të së cilëve morën pjesë në protestat e dhunshme në Zveçan, të cilët u vërtetuan përmes shenjave të vendosura në kapelat e tyre.

Nediq, tash e dhjetë vite mbanë postin e njëjtë në Qeverinë e Serbisë.

Tëvë1 gjithashtu ka mësuar se anëtar i grupit “Vejljo Belivuk” është edhe Aleksandër Vidojeviq, i cili ka afërsi me, Danilo Vuciq, djalin e presidentit serb, Aleksandër Vuçiq, por edhe me Novak Nediqin.

Se në Serbi, po mbahen trajnime nën koordinimin e Milan Radojiqit e ka thënë edhe vet kryeministri i Kosovës, Albin Kurti.

“ Radojiçiq është duke mbajtur takimet të rregullta, me zyrtarët të lartë të Shërbimit Sekret serb, BiA, ambientet e firmës Jabllanovica në Rashkë, ngjashëm me ato të “Novi Pazar Put”… Trajnimet drejtohen nga ushtarak të pensionuar serb, të cilët kanë grada të larta, si gjeneral, kolonel e nënkolonel, të cilët kanë njohur shumë të mira për Kosovën, mbase kanë shërbyer në ushtri edhe gjatë kohës së luftës tek ne” , tha Kurti.

Reagon Presidenca: Qeveria nuk është konsultuar me presidenten për letrën që e dërgoi në KiE

0

Presidentja e Republikës së Kosovës, Vjosa Osmani ka thënë se letra e Qeverisë së Kosovës dërguar në Këshillin e Evropës, nuk është konsultuar e as dakorduar me të, shkruan GazetaKlan.com

“Presidentja Osmani përkrahë vetëm qëndrime dhe veprime paraprakisht të konsultuara, të koordinuara dhe të dakorduara me institucionin e Presidencës, si institucion kushtetues me kompetenca të qarta në fushën e politikës së jashtme dhe si gardian i funksionimit kushtetues të institucioneve. Kjo letër nuk është e tillë. Mund të jetë konsultuar e koordinuar me individë jashtë institucioneve që sot e kanë publikuar këtë letër, por jo me Presidencën”, thuhet në deklaratën nga Presidenca.

Ministrja për Punë të Jashtme dhe Diasporë e Kosovës, Donika Gërvalla, tha të enjten se ia ka dërguar një letër Këshillit të Evropës për ta njoftuar se Kosova do ta përgatisë draft-statutin për Asociacionin, për ta dorëzuar për shqyrtim në Gjykatën Kushtetuese, dhe se pret nga ai ta pranojë Kosovën si anëtaren më të re këtë javë.

Në deklaratën që ka lëshuar këshilltari për media në Presidencë, Bekim Kupina, thuhet se çdo derivat i letrës së zotimeve të nënshkruar nga tri institucionet duhet paraprakisht të koordinohet dhe miratohet nga po këto tri institucione.

“Presidentja Osmani gjatë gjithë ditës po vazhdon konsultimet me aleatët rreth çështjes së anëtarësimit në Këshill të Evropës, ashtu siç ka bërë për një kohë të gjatë, me qëllim të zhbllokimit të këtij procesi.

Rrjedhimisht, Presidentja Osmani do ta mbështesë çdo veprim në drejtim të realizimit të këtij synimi, në përputhje të plotë me interesat shtetërore dhe Kushtetutën e Republikës së Kosovës. Prandaj edhe po bën përpjekje që shtetet anëtare të binden që sa më parë që të jetë e mundur të thirret një seancë e jashtëzakonshme ku do të votohet pro anëtarësimit të Kosovës në këtë organizatë”, thuhet në njoftimin e tij.

Gërvalla takon përfaqësuesit e CSU-së: U pajtuam që Kosova i ka përmbushur krejt kushtet për anëtarësim në KiE

0

Ministrja e punëve të Jashtme, ka takuar delegacionin nga landi i Bavarisë, përfaqësues të CSU-së dhe personalitete nga kultura, biznesi e politika në Gjermani, të udhëhequr nga ish-kryeministri bavarez, Gunther Beckstein.

Gërvalla tha se në takim u fol për situatën politike dhe të sigurisë në vend e rajon, të arriturat e Kosovës në fushën e sundimit të ligjit, demokracisë dhe zhvillimit ekonomik por edhe marrëdhëniet bilaterale mes dy vendeve.

“Patëm një diskutim miqësor dhe të hapur rreth proceseve nëpër të cilat po kalojmë si anëtarësimi në Këshillin e Evropës për të cilin ndamë mendimin që Republika e Kosovës ka përmbushur të gjitha kushtet për anëtarësim duke qenë shembull të respektimit të të drejtave të komuniteteve pakicë, liri të shprehjes dhe atyre fetare”, tha Gërvalla.

 

“Heshtet” pengimi i votimit në veri nga drejtorët

0

SHKARKIMI I KRYETARËVE

“Heshtet” pengimi i votimit në veri nga drejtorët

Rreth një muaj nga përfundimi i votimit të 21 prillit, institucionet e Kosovës nuk kanë marrë masa ndaj zyrtarëve serbë që nuk lejuan mbajtjen e këtij procesi në 33 objekte shkollore. Derisa në KQZ nuk kanë dhënë informacione në lidhje me këtë çështje, nga Prokuroria kanë njoftuar se prej këtij institucioni nuk kanë pranuar ndonjë të dhënë apo kallëzim penal

Komisioni Qendror i Zgjedhjeve nuk ka ndërmarrë asnjë veprim ndaj zyrtarëve serbë që nuk lejuan shfrytëzimin e objekteve shkollore për votimin e 21 prillit.

Anëtarë të KQZ-së, tri javë më parë, kanë kërkuar që informacionet e Sekretariatit në lidhje me pengimin e zhvillimit të procesit zgjedhor nga drejtorët e shkollave në veri t`i përcillen prokurorisë. Por, prokurorja Laura Pula ka konfirmuar se deri më tani nga KQZ-ja nuk është bërë ndonjë kallëzim.

“Për momentin asnjë kallëzim penal nuk kemi pranuar nga KQZ-ja në lidhje me çështjen në fjalë”, ka thënë shkurt ajo.

SHKARKIMI I KRYETARËVE

“Heshtet” pengimi i votimit në veri nga drejtorët

Rreth një muaj nga përfundimi i votimit të 21 prillit, institucionet e Kosovës nuk kanë marrë masa ndaj zyrtarëve serbë që nuk lejuan mbajtjen e këtij procesi në 33 objekte shkollore. Derisa në KQZ nuk kanë dhënë informacione në lidhje me këtë çështje, nga Prokuroria kanë njoftuar se prej këtij institucioni nuk kanë pranuar ndonjë të dhënë apo kallëzim penal

Komisioni Qendror i Zgjedhjeve nuk ka ndërmarrë asnjë veprim ndaj zyrtarëve serbë që nuk lejuan shfrytëzimin e objekteve shkollore për votimin e 21 prillit.

Anëtarë të KQZ-së, tri javë më parë, kanë kërkuar që informacionet e Sekretariatit në lidhje me pengimin e zhvillimit të procesit zgjedhor nga drejtorët e shkollave në veri t`i përcillen prokurorisë. Por, prokurorja Laura Pula ka konfirmuar se deri më tani nga KQZ-ja nuk është bërë ndonjë kallëzim.

“Për momentin asnjë kallëzim penal nuk kemi pranuar nga KQZ-ja në lidhje me çështjen në fjalë”, ka thënë shkurt ajo.

Për veprimet apo mosveprimet të premten përgjigje nuk dhanë nga Komisioni Qendror i Zgjedhjeve.

Megjithëkëtë ndjekja e zyrtarëve të shkollave në veri është duke u parë problematike nga avokati Florim Shefqeti. Sipas tij, para këtij veprimi institucionet duhet të merren me menaxhimin e objekteve shkollore nga strukturat ilegale.

“Ne nuk kemi informacione, por me sa ne kemi kuptuar, ato institucione nuk menaxhohen nga Republika e Kosovës. Prandaj tek aspekti i shtrimit të legjislacionit në kuptim organizativ do të jetë sfidë paraprake e cila duhet të trajtohet para se të veprohej me kallëzime penale në mënyrë që të mos dështojnë si të tilla”, ka thënë ai.

Sipas Kodit Penal, pengimi i procesit zgjedhor dënohet me burgim nga 1 deri në 2 vjet.

Avokati Shefqeti thotë se nëse shkollat do të menaxhoheshin nga institucionet e Kosovës drejtorët e shkollave do të duhej të përballeshin edhe me masa të tjera. “Prokuroria e Shtetit ka obligim që sipas detyrës zyrtare të hetojë rastet kurdo që bien në informacion për një vepër të pretenduar, të dyshuar, të kryer dhe së dyti Kodi Penal e ka përcaktuar dënimin prej 1 viti deri në 2 vjet.  Këtu lind edhe aspekti i tretë që bie në përgjegjësinë administrative të drejtorëve, sepse sikurse të ishte një drejtor i një shkolle me planprogram dhe menaxhim kosovar normalisht që do të duhej të shkarkohej, sepse është mosrespektim i vendimeve të nivelit ekzekutiv”, ka thënë Shefqeti.

Procesi i votimit të 21 prillit në katër komunat në veri është zhvilluar në 23 qendra të votimit, në mesin e tyre edhe kontejnerë. Qasje Komisionit Qendror të Zgjedhjeve nuk iu ofruan në 33 objekte shkollore.

Hello world!

1

Welcome to WordPress. This is your first post. Edit or delete it, then start writing!