Një pjesëtar i Policisë së Kosovës dhe vajza e tij 10-vjeçare janë gjetur pa shënja jete sonte rreth orës 19:00 në Prizren.

Burimet e IndeksOnline thonë se Salih Mazreku, pjesëtar i Policisë Kufitare, dyshohet se aksidentalisht ka vrarë të bijën e tij, L.M., 10 vjeçe, e më pas e ka qëlluar edhe veten.

“Me 15.12.2020, pak pas orës 19:00, Policia ka pranuar një informacion se në rrugën “Durmish Asllani” në Prizren, janë dëgjuar të shtëna nga arma e zjarrit”, thuhet në përgjigjen e policisë.

Njësitet kompetente policore, menjëherë i janë përgjigjur vendit të ngjarjes dhe bazuar në informacionet e para, në një shtëpi banimi janë gjetur dy trupa të pa jetë, polici dhe vajza e tij,.vdekjen e të cilëve e kanë konfirmuar mjekët kompetent.

Në vendin e ngjarjes kanë dalur të gjitha njësitet policore përfshirë forenzikën, ekipet mjekësore dhe prokurorin, të cilët janë duke ekzaminuar vendin e ngjarjes si dhe duke kryer hetime intensive, lidhur me rastin.

0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x